Hamingjugubb

Seinasta prófið var í dag, þvílík og önnur eins hamingja.  Kom útúr prófinu á slaginu tólf og fann bara hvað ég léttist þegar stressið fór.  Svo er ég í nokkuð geggjuðu nemandafélagi sem beið eftir okkur fyrir utan stofurnar á háskólatorgi með bjór.  Góð hefð það, að fá sér alltaf bjór eftir seinasta háskólaprófið...

En eitthvað var þó eftir af prófageðveikinni því ég fór í klippingu sem er ekki frásögu færandi nema það að ég klippti það stutt. Aldrei bjóst ég við að þessi dagur myndi koma þegar ég var yngri mátti varla anda á hárið á mér, ég var svo mikið að safna.

Fékk mér svona "bob" klippingu, heitir þetta víst. Var drulluhrædd í stólnum þegar klippikonan byrjaði og leist ekkert á blikuna fyrst og var örugglega á svipinn eins og konan væri að snoða mig og taka eyrun með. En rosalega var ég sátt þegar þetta var búið.  Kom meira að segja miklu betur út en ég hafði ímyndað mér.

Annars stefni ég á að setja þreytuna til hliðar í kvöld og bregða undir mig betri fætinum og skella mér á smá próflokadjamm. 

prófaprófaprófajól...

Þá er það bara síðasta prófið eftir, um hádegið á föstudaginn verð ég komin í jólafrí.  En seinastliðnu dagar eru búnir að einkennast af of miklum lærdómi, of miklu mandarínuáti, of miklu subwayáti og mikilli pínu mikilli bugun. 

Svona er útsýnið búið að vera seinustu daga, verður ekki fallegra

Hint: carrots are roots.

Einn kennari upp í skóla að vera mjöög fyndin. Veit ekki hvort að ég ætti að hafa áhyggjur af húmornum mínum eftir þessa prófatörn. 

Youtube byrjað að hafa  áhyggjur af mér í prófunum,

En þar sem ég fór ekki í próf fyrr en kl hálf tvö um daginn ákvað ég að smella á mig maskara og vera almennt frekar fersk. 

Veðrið ákvað líka að gleðja mig pínu og það jólansjóaði í dag. 

En gleðifréttir, mín fékk miða á forsýningu á Hobbitann, var reyndar ekki ein af þeim sem biðu fyrir utan Nexus heldur pantaði ég bara á netinu.  Þetta gerði vikuna mína, var byrjuð að halda að ég kæmist ekki á hana fyrr en á nýárinu.

 En það styttist í heimferð og ég hlakka svo til að koma heim og hafa það náðugt. Læt eina gamla af jólatrénu í hitt í fyrra fylgja.

Hitt og þetta

Hin almenni námsmaður er að öllum líkindum núna að farast úr prófljótu, bugun og öðrum andlegum og líkamlegum kvillum.   

Þessi lopapeysa frá ömmu er best

En ég verð að viðurkenna það að maður lærir að meta litlu hlutina í lífinu þegar maður er upp í skóla frá 8 á morgnanna til 11 á kvöldin... Eins og að finna tíma til að fara í sturtu, eiga hrein föt, mála sig og hafa heimatilbúin mat er svona efst og svo nátturulega svefninn.  Annars er mér búið að takast að hafa svefnrútínuna nokkuð óskerta, eða svona næstum.  En ég verð að segja að það sem er nauðsynlegt í prófalærdómnum er kókómjólk, ég hef lifað á þessu síðan ég byrjaði í fyrsta bekk í grunnskóla.  Maður fær sko kraft úr kókómjólk, og ekki skemma þessar jólaumbúðir fyrir þær gleðja augað. 

Nauðsynlegur félagi í prófalærdómi

  Nú eru 2/5 prófum búin og næsta ekki fyrr en næsta mánudag þannig í dag var aðeins slakað á, kíkt á jóladótið í Ikea og tók smá forskot á sæluna og keypti mér hangikjöt og jólaöl, svaka gott.

Helgin í hnotskurn

Mikil eðlisfræðigleði þessa helgi, með tilheyrandi skapsveiflum og skemmtilegheitum.  En þessi helgi var nú samt ágæt í suma staði.  Byrjaði föstudaginn megafersk, rauður varalitur og allt, fór á The Hunger Games. Mér finnst samt alltaf pínu svekkjandi að hafa lesið bækurnar og vita hvernig myndirnar sem gerðar eru eftir þeim enda, enn þetta er samt svo gaman.  En mér fannst hún rosalega góð og skemmti mér mjög vel, það var auðvitað troðið í Laugarásbíó en sem betur fer náðum við góðum sætum.

En annars er helgin búin að vera samansafn af lærdómi, mandarínuáti og örlitlu nammi. Einnig, mér til mikillar gleði, fann ég seríuna sem ég var búin að gera dauðaleit að niðri í geymslu í náttborðskúffunni minni af öllum stöðum og get því bætt fleiri seríum inn í líf mitt.  

  

Bökun á miðnætti

Nú þegar prófin eru á næsta leiti tekur maður upp á ýmsum hlutum.  Það það sem ég geri er að baka, á hvaða tíma dags sem er.

Ég fór inn á síðuna hennar Evu Laufeyjar Kjarans, sem hægt er að finna hér, og fann þessa svaka girnilegu uppskrift af súkkulaðibitakökum, með bæði hvítu og dökku súkkulaði.  Ég var auðvitað seld þegar ég las bæði hvítt og dökkt súkkulaði og þaut út í 10-11 til að kaupa svoleiðis og byrjaði strax.

Hráefnin

Finnst svo gott að fylla íbúðina af bökunarilmi, það er svo heimilislegt.

En hérna er uppskriftin:

220 g hveiti

200 g smjör

2 egg

100 g haframjöl 

150 g sykur

100 g púðursykur

150 g dökkt súkkulaði

100 g hvítt súkkulaði

2 tsk vanilla extract (eða vanilludropar)

1 tsk matarsódi

Maður byrjar á því að þeyta saman sykur og smjör, þar sem að ég á ekki hrærivél notaði ég töfrasprota sem virkaði ágætlega, og skellti svo eggjunum útí einu í einu. 

Næst fara öll þurrefnin útí

og svo allt súkkulaðið.

Svo girnilegt

Öllu er svo skellt í ofnin í 10-12 mín.

Ég náði að bíða þangað til að kökurnar voru aðeins búnar kólna áður en ég réðst á þær.  Bragðast hrikalega vel með ísskaldri mjólk. Eftir þetta get ég örugglega byrjað að læra eins og vindurinn...

Jólakraut gleður

Nú þegar það er svona dimmt og kósý er um að gera að byrja að skreyta og gleðja augað. Betri helmingurinn samþykkti loksins að ég fengi að henda upp eins og einni seríu í gluggann og pínu skrauti.

Orðið pínu jólalegt hér á bæ

Mamma og pabbi komu líka í heimsókn með meira jólaskraut og jólarós frá Ömmu ásamt þessum yndislegu bleiku ullarsokkum.

Hef varla farið úr þessum

Auðvitað var skrautinu strax hent upp, veit reyndar ekki hversu lengi þetta blóm mun lifa... Ég stefni reyndar á það í nánustu framtíð að koma við í Rúmfó og splæsa í eins og eina eða tvær seríur til að lífga enn meira upp á tilveruna.

Jólarósin 

Krúttaður 

En dagurinn í dag einkenndist af ótrúlegum ferskleika þar sem ég mætti í gallabuxum og skartgripi í skólann. Gerist ekki oft, yfirleitt verða joggingbuxur og kósý hetturpeysa fyrir valinu en ég vaknaði í óvenjugóðu skapi.

Þarna sést glitta í hálsmenið

Þriðjudagur til leti og kaupa...

Ég hef lengi gengið með þá hugmynd í maganum að búa til svona bloggsíðu sem fjallar smá um mitt daglega líf, tísku og kannski förðun.  Eftir að hafa talað við nokkra um þetta og þá sérstaklega betri helminginn sem hvatti mig eindregið til að gera þetta ákvað ég að prufa.

Í þessum töluðu er ég að horfa á Harry Potter. En dagurinn í dag einkenndist af almennri leti, en henti nú eins og í ein heimadæmi í tölvunarfræði sem var nú ágætt.

Málaði mig líka svona fínt, ég er að prufa mig áfram í að gera smokey í öðrum litum en bara svörtum eða brúnum.  Mér fannst þetta nú bara takast ágætlega, reyndar eru gæðin á myndinni ekki alveg að gera sig.

Blátt og létt smokey

Einnig keypti ég mér þetta fína hálsmen frá Shop K, er megasátt og þetta var líka á svo góðu verði.

Svo fallegt

En þetta er líklegast seinasti þriðjudagur til leti og kaupa þangað til um miðjan desember prófageðveikin að skella á með tilheyrandi nóakropps-mandarínu og subway áti og lærdómi auðvitað.